गोरखा । गोरखाको चुमनुब्री गाउँपालिकाको साम्दो मतदानकेन्द्रमा मतदान सकिएको छ । मतदान सुरु भएको डेढ घण्टामा नै मतदान सकिएको मतदान अधिकृत रामकाजी दुवाडीले जानकारी दिए ।

साम्दो मतदानकेन्द्रमा ७१ जना मतदाता रहेकामा ६९ जनाले मतपत्र लगेका थिए । एक जना मतदाताको निधन भएको र अर्का एकजना गाउँमा नभएकाले मतदान सकिएको औपचारिक जानकारी जनाउने तयारी भएको छ ।

भौगोलिक रुपमा विकट यो मतदानकेन्द्रमा मतदाता कम रहेकाले छिट्टै सकिएको मतदान अधिकृत रामकाजी दुवाडीले बताए ।