काठमाडौ । यहि साउन १३ गतेबाट प्रदर्शनमा आउन लागेको नेपाली चलचित्र ‘प्रेमगीत २’ले आफ्नो फिल्मको ‘न त हाँस्न नै सके’ बोलको स्याड गीत सार्वजनिक गरेको छ । भिडियोमा चलचित्रका मुख्य कलाकार प्रदिप खड्काको प्रेम पीडा देखाइएको छ ।
सागर संसार रार्इको स्वर, एलिस कार्कीको संगीत र मनिषा खड्काको शब्द रहेको यस गीतलाई दर्शकले रुचाउने विश्वास लिन सकिन्छ । आशुसेन फिल्मसद्धारा निर्मित यो चलचित्रको छायांकन नेपाल, थाइल्यान्ड र म्यानमारमा गरिएको हो । चलचित्रमा प्रदीप खड्का, अश्लेषा ठकुरी, कैलाश कट्वाल, कविता रेग्मी, सन्तोष सेन लगायतका कलाकारको मुख्य भूमिका रहेको छ । चलचित्रलाई रामशरण पाठकले निर्देशन गरेका हुन् ।
