भोजपुर । भोजपुर नगरपालिका–६, देउरालीमा श्रीमतिलाई कुटपिट गरी हत्या गरेको आरोपमा प्रहरीले एक जनालाई पक्राउ गरेको छ । ४६ वर्षिया श्रीमति अम्बिका श्रेष्ठ (राई)को हत्याको गरेको आरोपमा ४७ वर्षीय श्रीमान नारादमणि राईलाई प्रहरीले बुधबार साँझा पक्राउ गरेको हो ।
मंगलबार राति एउटै कोठामा सुतिरहेको बेला श्रीमती अम्बिकाको मृत्यु भएको थियो । मृतक अम्बिकाको शरिरमा निलडाम भएकोले हत्याको आशंकामा श्रीमान नारादमणिलाई प्रहरीले पक्राउ गरी हिरासतमा राखेको छ ।
मृतक अम्बिकाको शव बुधबार पोष्टमार्टमका लागि जिल्ला अस्पताल भोजपुरमा ल्याइएको छ । श्रीमती अम्बिका उनी सुतेकै विस्तारामा बुधबार बिहान मृत अवस्थामा भेटिएको प्रहरीले बताएको छ । हत्या भएको हो वा होइन भन्ने कुरा पोष्टमार्टम रिपोर्टपछि मात्र पुष्टि हुने प्रहरीले जनाएको छ ।