भोजपुर । भोजपुरमा १६ वर्षिया युवतीले झुण्डिएर आत्महत्या गरेकी छिन् । भोजपुर नगरपालिका वडा नं. ३, गुप्तेश्वरकी मनिषा दर्जीले आईतबार साँझा उनकै कोठामा झुण्डिएको अवस्थामा मृत फेला परेकी हुन् ।
परिवारसंग सम्पर्कविहिन भएर कोठामा ताल्चा लगाएर पसेकी दर्जी बिहान उनका परिवार र आफन्तजनले खोज्ने क्रममा कोठामै झुण्डिएको अवस्थामा भेटिएकी थिईन् । मनिषालाई मृत अवस्थामा भेटेपछि आफन्तजनले नजिकैको ईलाका प्रहरी चौकी दाँवालाई खबर गरेका थिए ।
भोजपुर नगरपालिका वडा नं ४, सिद्देश्वर दाँवास्थित सिद्देश्वर माध्यमिक विद्यालय कक्षा ९ मा पढ्दै गरेकी उनको शवलाई सोमबारै पोष्टमार्टमका लागि जिल्ला अस्पताल भोजपुरमा ल्याई पोष्टमार्टमपछि लास परिवारलाई जिम्मा लगाईएको जिल्ला प्रहरी कार्यालय भोजपुरका ईन्सपेक्टर गित नारायण चौधरीले बताए ।
