काठमाडौं । लामो समयपछि आज नेपाल आइडल कतारको दोहाबाट घोषणा हुँदैछ । ग्राण्ड फिनालेमा निशान भट्टराई, प्रताप दास र बुद्ध लामा प्रतिष्पर्धी रहेका छन् । तीन जनामध्ये नेपालआइडल को बन्ला यतिवेला सर्बत्रा चासोको विषय बनेको छ ।
ग्राण्ड फिनाले कतारको राजधानी दोहास्थित एसियन टाउन एम्पिथियटर, ग्रायन्ड मल, सनायामा हुँदैछ । एपीवान टिभीबाट प्रसारण भइरहेको चर्चित रियालिटी शो नेपाल आइडलको ग्राण्ड फिनाले कतारको राजधानी दोहाबाट प्रसारण हुँदैछ ।
कतारको समय अनुसार साँझ ५ बजे हुने कार्यक्रममा नेपाल आइडलका टप १२ मा रहेका सबै प्रतिस्पर्धीहरु सहभागी छन्। फिनालेमा मदनकृष्ण श्रेष्ठ, हरिवंश आचार्य लगायतका कलाकारको उपस्थिति छ ।
त्यस्तै गायक हेमन्त राना, हांस्यव्यंगकलाकार नारद खतिवडा, तेरिया मगर लगायतका कलकारहरु पनि आइडलका आकर्षण रहेका छन् ।
प्रथम नेपाल आइडलले २० लाख नगद सहित महिन्द्र केयुभी १०० गाडी र १५ लाखको एल्बम कन्ट्याक्ट हुनेछ । त्यस्तै दोस्रो र तेस्रो हुनेले क्रमशः १५ र १० लाख नगद पाउँदैछन् ।