भोजपुर । एकीकरणको योजनासाथ आगामी चुनावमा तालमेलको तयारी गरेका एमाले–माओवादी गठबन्धनमा पूर्व प्रधानमन्त्री डा. बाबुराम भट्टराई नेतृत्वको नयाँशक्ति नेपाल पनि सहभागी हुने भएको छ ।
नयाँशक्तिका संयोजक भट्टराईले केहीबेर अघि एमाले अध्यक्ष केपी ओलीसहितका नेतालाई बालकोटमा भेटेर छलफल अघि बढाएको भट्टराईका स्वकीय सचिव विश्वदीप पाण्डेले जानकारी दिए ।
भट्टराईले बालकोटमा ओलीलाई भेटेलगत्तै अबको केहीबेरमा माओवादी, एमालेसहित नयाँशक्तिका नेताहरु सिंहदरबारमा छलफल गर्ने कार्यक्रम छ ।
आज ५ बजे एमाले र माओवादीले गठबन्धनको औपचारिक घोषणा गर्ने कार्यक्रम छ । सिंहदरबारमा हुने तीन दलको बैठकमा सहमति जुटे तीन पार्टीको गठबन्धन घोषणा हुनेछ ।
(kantipur)
