भोजपुर । आसन्न प्रतिनिधि सभा र प्रदेश सभा सदस्य निर्वाचनका लागि सङ्घीय समाजवादी फोरम नेपाल भोजपुरले उम्मेदवार सिफारिस गरेको छ । बिस्तारित बैठकले प्रतिनिधि सभा सदस्यका लागि प्रत्यक्ष तर्फ फोरमका केन्द्रिय सदस्य गोपाल कुमार राईको नाम सर्वसम्मत सिफारिस गरेको छ ।
त्यसैगरी समानुपातिकतर्फ केन्द्रिय उपाध्यक्ष सचिव अजम्बर राई काङमाङ, हेमराज राई,र जिल्ला कोषाध्यक्ष मातृका राई, केन्द्रिय सल्लाहकारद्धय सदस्य चक्र प्रसाद राई, नारायण राईलाई सिफारिस गरेको सङ्घीय समाजवादी फोरम नेपालले जानकारी दिए ।
त्यस्तै प्रदेश सभामा क्षेत्र नं १ बाट प्रत्यक्षतर्फ जिल्ला सचिव प्रशन्न कुमार राईको नाम सिफारिस हुने भएको छ । समानुपातिकतर्फ महेन्द्रलाल राई, बलबहादुर बस्नेत, दिपचन्द्र राई, मिना राई, सबिना राई, वीरकुमार राई र प्रतिमा राई सिफारिस भएका छन् ।
त्यस्तै क्षेत्र नं २ मा प्रत्यक्षतर्फ जिल्ला अध्यक्ष आशकुमार राई सर्वसम्मत सिफारिस भएका छन् । राई संविधान सभाको दोस्रो निर्वाचनमा पनि उम्मेदवार बनेका थिए ।
समानुपातिकतर्फ अन्जानी कुमार राई, योगेन्द्रबहादुर कट्वाल, टिकादेवी राई, प्रेमबहादुर राइ, राजिप श्रेष्ठ र मचिन्द्र कुमार राईको नाम सिफारिस भएको भोजपुर फोरमले जनाएको छ ।