धनकुटा । धनकुटाको साँगुरीगढी गाउँपालिका–६ कार्कीछापमा शनिबार ट्याक्टर दुर्घटना हुँदा भोजपुरको निशान भुजेल सहित २ जनाको ज्यान गएको छ ।
धरानबाट किराना पसलको सामान लिएर भोजपुर जाँदै गरेको को.२ त.२८३९ नम्बरको ट्याक्टर दिउँसो १२ बजे सडकमा पल्टिंदा चालक र सह–चालकको घटनास्थलमै दुवै जनाको ज्यान गएको प्रहरीले जनाएको छ ।
मृत्यु हुँनेमा ट्याक्टर चालक ईटहरी उप–महानगरपालिका–१८ का २३ बर्षीय सुरज वि.क. र सह–चालक भोजपुर सडानन्द नगरपालिका–१ का २२ बर्षीय निशान भुजेल छन ।
सडकमा अनियन्त्रित भई ट्याक्टर सडकमा पल्टिदा दुवै जनाको घटनास्थलमै ज्यान गएको धनकुटाका ट्राफिक प्रहरी दिपक खड्काले जानकारी दिएका छन । उनका अनुसार व्रेक फेल भएर ट्याक्टर अनियन्त्रित भई पल्टिएको अनुमान गरिएको छ ।
