भोजपुर । आगामी मंशिर १० गते सम्पन्न हुने प्रदेश र संघिय प्रतिनिधिसभा सदस्यको निर्वाचनमा बाम गठबन्धनको चुनावी सभामा चर्चीत गायिका कला राई लगायतको टोली यतिबेला भोजपुरमा रहेकाछन् । बाम गठबन्धनका उमेदवारलाई जिताएर देशमा स्थायी सरकार र समृद्धीतर्फ अगाडी बढाउनु पर्ने गित संगित मार्फत कलकारहरुले आवह्वान गरीरहेकाछन् ।
गायिका कला राईको टोलीमा चर्चीत गायिका सरला राई दिपक बान्तवा, साझन राई, लगायत का टोली चुनावी आमसभामा हिडिरहेका छन् भने केही दिनमै हाँस्य कलाकार पार्वन राई(राई बुढो ) गायक कन्काइस्ट राई समेत भोजपुर आउने भएकाछन् । माओबादी केन्द्रका पोलिटव्यूरो सदस्य एवं पूर्व सभासद् सुदन किराती बाम गठबन्धनबाट प्रतिनिधिसभाका उमेदवार बनेकाछन् ।
यता प्रदेश तर्फ क्षेत्र नं दुई मा पूर्व सञ्चारमन्त्रि तथा एमालेका पोलिटव्यूरो सदस्य शेरधन राई आगामी एक नं प्रदेशको मुख्यमन्त्रिका दावी सहित उमेदवार भनेकाछन् । त्यसैगरी प्रदेश तर्फ क्षेत्र नं एकमा नेकपा एमालेका केन्द्रिय सदस्य राजेन्द्र राई चुनावी प्रतिष्प्रर्धामा रहेकाछन् । बाम गठबन्धनका यी प्रभाशाली उमेदवारहरुसंग प्रतिष्प्रर्धाका लागि प्रदेश तर्फ क्षेत्र नं एकमा संघिय समाजबादी फोरम नेपालका केन्द्रिय सचिव अजम्वर काङ्माङ, प्रतिनिधि सभामा कांग्रेशका उमेशजङ रायमाझी, प्रदेश सभा तर्फ क्षेत्र नं दुईमा नेपाली कांग्रेशका गोविन्द बहादुर कार्की प्रतिष्प्रर्धामा रहेकाछन् ।