भोजपुर । भोजपुरमा मतपेटिकालाई सदरमुकाम ल्याउँदै गर्दा मतपेटिका लक्षित गरी बम विष्फोट गराइएको छ ।
जिल्लाको उत्तरी साल्पासिलिछो गाउँपालिकाको मतपेटिका सदरमुकामतर्फ ल्याउने क्रममा षडानन्द नगरपालिकाको न्याउले जंगलमा सुतली बम विस्फोट गराइएको जिल्ला प्रहरी कार्यालय, भोजपुरका डिएसपी दिपेन्द्र पञ्जियार थारुले बताउनुभएको छ ।
बम विस्फोटबाट कुनै पनि क्षती नभएको र थप सुरक्षा साथ मतपेटिका ल्याउने क्रम जारी रहेको जिल्ला प्रहरी कार्यालय भोजपुरका डिएसपी पञ्जियार थारुले बताउनुभयो ।
हालसम्म १ सय बढी मतदान केन्द्रका मेटपेटिका सदरमुकाम ल्याइसकिएको छ । साल्पासिलिछो र आमचोक गाउँपालिकाको मतपेटिका बेलुकीसम्म ल्याइसकिने प्रमुख जिल्ला अधिकारी फणिन्द्र दाहालले बताए ।