ललितपुरको सानेपाबाट प्रहरीले बुद्धचित्तको दानासहित एक युवकलाई पक्राउ गरेको छ । पक्राउ पर्नेमा काभ्रेको तेमाल गाउँपालिका घर भएका रोजबहादुर तामाङ छन् । तामाङले लिएर हिँडेको ९ किलो बुद्धचित्तको दाना बरामद गरिएको महानगरीय प्रहरी परिसर ललितपुरकी एसएसपी किरण बज्रचार्यले बताइन् ।
सानेपास्थित कालोपुलबाट ट्याक्सीमा टेकुतर्फ जाँदै गरेका २९ वर्षीय तामाङलाई महानगरीय प्रहरी प्रभाग सानेपाबाट खटिएको टोलीले पक्राउ गरेको हो । दाना कारोबारीसँग सम्बन्धति गाउँपालिकामा राजस्व बुझाएको रसिद र बन कार्यालयको ‘छुट पुर्जी’ थिएन ।
प्रहरीले उनलाई थप अनुसन्धान र कारवाहीका लागी जिल्ला वन कार्यालय ललितपुरमा पठाएको छ । सिन्धुपाल्चोक, काभ्रेपलान्चोक लगायतका जिल्लामा उत्पादन हुने बहुमुल्य बुद्धचित्तको माग चिनवाट आउनेगरेको व्यापारीहरु वताउँछन् ।
