काठमाडौं । नेपाल टेलिभिजनमा प्रत्येक हप्ता आउने डान्सिङ रियालिटी शो रियो छमछमीको सिजन थ्रीको विजेता हेटौडाका सरोज राना प्रजा बनेका छन् । बुधबार घोषणा विेजता सरोज रानाले २ लाख ७४ हजार ७ सय ७४ एसएमएस प्राप्त गरेर विजेता बनेका हुन् । उनले डाट्सन रेडी गो कार पुरस्कार पाएका छन् ।
प्रतियोगितामा धरानकी मनिता राई फस्ट रनर अप बनेकी छन् । उनले २ लाख १ हजार ४ सय १७ मत ल्याएकी थिइन् । राईले ५ लाख रुपैयाँ बराबरको एलजी होम अपलायन्सेस पाएकी छन् । त्यस्तै सुर्खेतका शेखर घर्तीमगर सेकेण्ड रनर अप बनेका छन् । ९३ हजार ८३० एसएमएस पाएका उनले पुरस्कारस्वरुप ३ लाख बराबरको एलजी होम अपलायन्सेस पुरस्कार पाएका छन् ।
प्रतियोगितामा दुई हप्ताअगाडि उत्कृष्ट पाँच जना छनोट भएका थिए । उनीहरुले आफ्नो प्रस्तुतिको आधारमा दुई हप्तासम्म पाएको मतको आधारमा विजेता छनोट गरिएको हो। टप फाइभमा परेका रामेछापकी रविता मगरले चौथो बनिन् भने धरानकी केविका खत्री पाँचौं बनिन् ।
